Pentagon Rossiya qo‘shinlarining Suriyadan olib chiqib ketilganligini ko‘rmadi

AQSh tegishli bayonotga qaramasdan, Rossiya qo‘shinlarining Suriyadan olib chiqib ketilganligini ko‘rmayapti. Bu haqda Pentagon rasmiy vakili Adrian Renkin-Gellouey ma’lum qildi, deb yozadi Reuters agentligiga tayanib “Gazeta.ru”.

“Rossiya ularni Suriyadan olib chiqib ketilishi rejalashtirilayotganligi haqida ma’lum qilgandan so‘ng qo‘shinlar sonining sezilarli qisqarishi yuz bermadi”, — deydi Renkin-Gellouey.

Avvalroq Turkiya TIV rahbari Mavlud Chavusho‘g‘lu Anqara Moskvaning harbiy kontingentni Suriyadan olib chiqib ketish rejasidan shubhalanishini ma’lum qilgan edi.

11-dekabr kuni Rossiya prezidenti Vladimir Putin Rossiya qo‘shinlarini Suriyadan olib chiqib ketishga buyruq bergan edi.