AQSh Eronga qarshi xalqaro koalitsiya tashkil etadi

AQSh Eronga qarshi xalqaro koalitsiyani tashkil etish ustida ish olib boradi. Bu haqda AQShning BMTdagi doimiy vakili Nikki Xeyli ma’lum qildi, deya xabar bermoqda “Korrespondent.net”.

“Biz Eronga va u qilayotgan ishlarga rostmana qarshi turish uchun koalitsiya tashkil etamiz”, — dedi Xeyli.

Uning so‘zlariga ko‘ra, Yamandan turib otilgan va Saudiya Arabistoni hududiga qulagan raketa bo‘laklari aynan Eronga tegishli bo‘lgan.

Avvalroq AQShning BMTdagi doimiy vakili raketa parvozlarini amalga oshirayotgani va terrorchilikni qo‘llab-quvvatlayotgani uchun Eronni javobgarlikka tortish lozimligi haqida fikr bildirgan edi.