Avstriyaning yangi hukumati qasamyodga keltirildi

Avstriyada konservativ Xalq partiyasi va ultrao‘ng Ozodlik partiyasidan tashkil topgan yangi koalitsiya hukumati qasamyodga keltirildi. Bu haqda EADaily xabar berdi.

Rasmiy inauguratsiya marosimi Venadagi Xofburg saroyida bo‘lib o‘tdi.

Avstriya prezidenti Aleksander Van der Bellen 31 yoshli Sebastyan Kursni federal kansler lavozimiga qasamyodga keltirdi.

U va yana hukumatning 13 a’zosi hamda ikki stats-sekretar yaqin 5 yil davomida birgalikda faoliyat yuritadi.