Papua-Yangi Gvineya qirg‘oqlarida 100 yil avval cho‘kkan suvosti kemasi topildi

Papua-Yangi Gvineya orollari yaqinida 1914-yilda bedarak yo‘qolgan Avstraliya suvosti kemasi topildi. Bu haqda TJournal xabar berdi.

Kemani izlash bo‘yicha ekspeditsiya o‘tgan haftada boshlangan. Uni Furgro Equator nomli izlovchi kema 300 metr chuqurlikda topgan. Avstraliya mudofaa vazirligi cho‘kkan kema ekipaji a’zolarining qarindoshlariga xabar berishni rejalashtirmoqda.

Vazirlik ma’lumotlariga ko‘ra, HMAS AE1 suvosti kemasi 1914-yilning 14-sentabrida g‘oyib bo‘lgan. Kema bortida 35 nafar ekipaj a’zosi bo‘lgan.