Shavkat Mirziyoyev: Ayollar orasida o‘z joniga qasd qilish holatlari soat sayin oshyapti (video)

O‘zbekiston Prezidenti 22-dekabr kuni Oliy Majlisga Murojaatnomasini taqdim etdi. Prezidentning chiqishi “O‘zbekiston 24” telekanali orqali jonli efirda namoyish etildi.

Shavkat Mirziyoyev o‘z chiqishi davomida aholidan kelib tushayotgan murojaatlarning 70 foizi xotin-qizlardan ekanini aytib, joylarda ayollarning ahvoli juda og‘irligini alohida ta’kidladi.

Ayollar orasida o‘z joniga qasd qilish holatlari soni yil davomida emas, soat sayin oshyapti. Soat sayin! Qani Xotin-qizlar qo‘mitasining bu boradagi bir taklifi?

Qo‘mitada Norboyeva boshchiligidagi o‘tirganlar statistikachi emas-ku! Ular o‘z taklifini berishi, nega shunday bo‘lgani, bunga kim aybdorligi haqida bong urishi kerak.

Shavkat Mirziyoyev, O‘zbekiston Prezidenti