OAV: O‘zbekistonda 12 ta rus tili markazi ochiladi

Yaqin yillarda O‘zbekistonda 12 ta mintaqaviy rus tili markazlari tashkil etiladi. Bu haqda Toshkentdagi Rossiya fan va madaniyat markazi rahbari Viktor Shulika bayonot berdi, deb xabar qiladi EADaily.

Ilk bunday markaz shu yil martida O‘zbekiston davlat jahon tillari universitetida ochildi. U yerda talabalar ta’lim oladi, shuningdek, rus tili va adabiyoti o‘qituvchilari malakasini oshiradi.

“Yaqin yillardagi ustuvor yo‘nalish — O‘zbekistonning har bir viloyatida rus tili markazini ochish. Bu mahalliy aholining rus tili bilimini oshirish, bizning tilimiz va adabiyotimizni o‘rganishga qiziqayogan yoshlarni jalb qilish imkonini beradi”, — dedi Shulika.