Namanganda “Xavfsiz shahar” konsepsiyasining tumanlarda joriy etilishi boshlandi

Namangan shahrida joriy etilgan “Xavfsiz shahar” konsepsiyasi tumanlar orasida birinchi bo‘lib Uychida tatbiq qilindi. Bu haqda “Daryo”ga Namangan viloyat IIB matbuot xizmati xabar berdi.

Jamoat tartibini saqlash maqsadida tumanning har bir mahallasida 5 nafar jamoatchilik vakilidan iborat tungi ko‘ngilli naryadlar tashkil qilindi va maxsus posbonlar nimchasi bilan ta’minlandi. “Mening mahallam jinoyatchilikdan xoli hudud” shior sifatida tanlandi.

Viloyat markazida muvaffaqiyatli tarzda olib borilayotgan mazkur konsepsiya bosqichma-bosqich barcha tumanlarda joriy etiladi. Jumladan, keyingi bosqichda Chortoq va Chust tumanlari qamrab olinadi.