Xitoy kompaniyasi O‘zbekistonga 100 million dollargacha investitsiya kiritmoqchi

Xitoyning Jiujiu Silk kompaniyasi O‘zbekistonga 100 million dollargacha investitsiya kiritishni rejalashtirmoqda, deb yozadi UzDaily.

Jiujiu Silk 2013-yildan buyon “Jizzax” EIZda ishlab keladi. Korxona shoyi mahsulotlarini ishlab chiqarishga ixtisoslashgan.

Kompaniya prezidenti Chju Lye ta’kidlashicha, kompaniyada tutchilik, ipak va shoyi ishlab chiqarish bo‘yicha O‘zbekiston-Szyansuy industrial parkini yaratish g‘oyasi bor.

“Serhosil tut daraxtlarini o‘stirish va pilla yetishtirishga 100 million dollargacha mablag‘ kiritishni, shuningdek, minglab ish o‘rinlarini yaratishni rejalashtirmoqdamiz”, — dedi u.