O‘zLiDeP “Davlat xizmati to‘g‘risida”gi qonunning qabul qilinishiga erishmoqchi

Tadbirkorlar va ishbilarmonlar harakati – O‘zbekiston liberal-demokratik partiyasi siyosiy kengashi ijroiya qo‘mitasi hamda Qonunchilik palatasidagi partiya fraksiyasining qo‘shma yig‘ilishi bo‘lib o‘tdi. Bu haqda O‘zA xabar bermoqda.

Yig‘ilishda Prezidentning Oliy Majlisga murojaatnomasidan kelib chiquvchi partiyaning oldidagi ustuvor vazifalar muhokama qilindi.

Murojaatnomada davlat va jamiyat qurilishi tizimini takomillashtirishga alohida e’tibor qaratilgan edi. Partiya mazkur sohani isloh qilishda faol ishtirok etishni rejalashtiryapti. Jumladan, majlisda ta’kidlanishicha, partiya “Davlat xizmati to‘g‘risida”gi qonunni ishlab chiqish va qabul qilishni 2018-yildagi ustuvor vazifalardan biri sifatida belgiladi.

Bu ishni kelgusi yilning birinchi choragidan kechikmasdan amalga oshirish rejalashtirilmoqda.