Apple va Amazon Saudiya Arabistoni bozoriga to‘g‘ridan-to‘g‘ri kirish yuzasidan muzokaralar olib bormoqda

AQShning Apple va Amazon korporatsiyalari Saudiya Arabistoni bozoriga to‘g‘ridan-to‘g‘ri kirish yuzasidan muzokaralar olib bormoqda. Bu haqda “TASS” ma’lum qildi.

Ikki kompaniya ham mamlakatda faoliyat ko‘rsatadi, biroq boshqa tashkilotlar orqali.

Apple Saudiya Arabiston investitsiyalar bosh boshqarmasi bilan muzokaralar olib bormoqda, kelgusi yil fevralida kelishuvga erishilishi mumkin. Kompaniyaning mamlakatdagi ilk do‘koni 2019-yilda ochilishi kutilmoqda. Hozirda Apple mobil telefonlari sotilishi bo‘yicha Saudiyada Samsung dan keyingi ikkinchi o‘rinni egallab turadi.

Amazon’ning mutasaddilar bilan muzokaralari dastlabki bosqichda bo‘lib, ularni kompaniyaning bulutli texnologiyalar bilan shug‘ullanuvchi bo‘linmasi — Amazon Web Services olib bormoqda.