CBS: KXDR raketa uchirishga tayyorgarlikni boshladi

KXDR hukumati Pxenyandan shimolda joylashgan maydonda amalga oshiriladigan yangi raketa sinoviga tayyorgarlik ko‘rishni boshladi, deb yozadi “TASS” Amerikaning CBS telekanaliga tayanib.

Uning manbalari ma’lumotlariga ko‘ra, tayyorgarlik ishlari 2017-yil noyabrida qit’alararo ballistik raketa sinalgan joyda boshlangan. Telekanal qayd etishicha, hisob-kitoblar to‘g‘ri bo‘lsa, raketa parvozi shu haftada yoki kelasi haftada amalga oshiriladi.

Boshqa bir telekanal — NBC manbalariga asoslanib xabar qilishicha, KXDR yangi raketa sinovini shu hafta o‘rtasida o‘tkazishi mumkin.