Adliya vazirligida O‘zbekiston islom akademiyasi davlat ro‘yxatidan o‘tkazildi

Prezident Shavkat Mirziyoyevning 2017-yil 15-dekabrdagi PQ-3433-son qaroriga asosan tashkil etilgan O‘zbekiston islom akademiyasi adliya vazirligi ro‘yxatidan o‘tkazildi. Bu haqda adliya vazirligi axborot xizmati xabar bermoqda.

Akademiya O‘zbekiston musulmonlari idorasi muassisligidagi diniy va dunyoviy ta’lim beruvchi nodavlat ta’lim va ilmiy-tadqiqot muassasasi hisoblanadi.

Ta’lim muassasasining asosiy maqsadlari:

Akademiya O‘zbekistondan yetishib chiqqan buyuk alloma va mutafakkirlarning boy ilmiy merosini, islom dini rivojiga ulkan hissa qo‘shgan jahon allomalarining asarlarini o‘rganish, ilmiy-tadqiqot ishlarini olib borish, din niqobi ostida harakat qilayotgan turli ekstremistik oqim va yo‘nalishlarning buzg‘unchi g‘oyalariga qarshi ilmiy raddiyalar tayyorlash va boshqa bir qator muhim vazifalar bilan ham shug‘ullanadi.