Qozog‘iston kompaniyalari Boeing bilan 1,3 milliard dollarlik bitim imzoladi

Qozog‘iston aviatsiya kompaniyalari va Amerikaning Boeing korporatsiyasi 1,3 milliard dollarlik bitim imzoladi. Bu haqda 17-yanvar, chorshanba kuni Qozog‘iston prezidenti Nursulton Nazarboyevning matbuot xizmati ma’lum qildi, deb yozadi “TASS”.

“Tashrif davomida har ikkala yetakchi (Qozog‘iston va AQSh prezidentlari Nursulton Nazarboyev va Donald Tramp) Boeing va Qozog‘iston aviatarmoqlari o‘rtasidagi umumiy summasi 1,3 milliard dollarlik alohida bitimlarni ma’qulladi. Shartnomalar AQShda 7,1 mingta bevosita va bilvosita ish o‘rni ochilishini ko‘zda tutadi”, — deyiladi hujjatda.

Unda, shuningdek, Qozog‘istonning SCAT Airlines kompaniyasi Boeing-737 MAX 8 modelidagi oltita samolyot buyurtma qilganligi ta’kidlanadi.