Xitoy avtomobil kompaniyasi AQSh bozori uchun Trumpchi brendini qayta nomlashga qaror qildi

Xitoyning GAC Motor sho‘ba kompaniyasi (Guangzhou Automobile Group) prezident Donald Tramp nomi bilan o‘xshashligi tufayli AQSh bozori uchun Trumpchi brendini qayta nomlashga qaror qildi. Bu haqda “Interfaks” xabar bermoqda. 

Guangzhou Automobile AQShdagi sotuvlarni 2019-yilda boshlash niyatida.

Qo‘shma Shtatlar bozoriga chiqish oldidan kompaniya tadqiqotlar, jamoatchilik so‘rovlarini o‘tkazdi hamda Tramp va uning oilasi bilan o‘xshashlik salbiy ta’sir ko‘rsatishini aniqladi. 

GAC brendning yangi nomi haqida hozircha bir to‘xtamga kelmadi. 

Eslatib o‘tamiz, GAC Trumpchi GS4 2017-yili Xitoydagi eng ommabop avtomobillar qatoriga kirgandi.