Moskvada Boris Berezovskiyning xavfsizlik xizmati sobiq rahbari qo‘lga olindi

Moskvaning Lefortovo sudi Boris Berezovskiyning xavfsizlik xizmati sobiq rahbari Sergey Sokolovni hibsga oldi. Bu haqda “Vedomosti” xabar bermoqda. 

Sergey Sokolov

Foto: “NTV”

Sokolov qurol va portlovchi moddalarning noqonuniy aylanmasida gumon qilinmoqda. U 16-martga qadar qamoqda qoladi.

Gumonlanuvchi qo‘lga olinishiga Ukraina xavfsizlik xizmati aloqador ekanligini da’vo qilmoqda. 

OAVga ko‘ra, Sokolov “Analitika va xavfsizlik” federal axborot markazida ekspert bo‘lib ishlayotgandi.    U bilan birga tashkilot direktori Ruslan Milchenko va “Tolyattiazot” xavfsizlik xizmati sobiq rahbari Oleg Antoshin ham qo‘lga olindi.