O‘zbekistoniklar bilan salbiy holatlar oldini olish maqsadida Rossiya shaharlariga qo‘shimcha poyezdlar qatnovi yo‘lga qo‘yildi

“O‘ztemiryo‘lyo‘lovchi” aksiyadorlik jamiyati O‘zbekiston fuqarolari bilan salbiy holatlar yuz berishi oldini olish maqsadida joriy yilning fevral oyidan boshlab bir qator xalqaro yo‘nalishlarda qatnaydigan yo‘lovchi poyezdlari uchun qo‘shimcha qatnovlarni yo‘lga qo‘yadi. Bu haqda “Daryo”ga “O‘ztemiryo‘lyo‘lovchi” mutaxassisi ma’lum qildi.

Hozirgi kunda Toshkent—Moskva, Toshkent—Ufa va Andijon—Moskva yo‘nalishlarida haftada bir marotaba harakatlanayotgan yo‘lovchi poyezdlar fevral oyidan boshlab haftada 2 marotaba harakatlana boshlaydi.

Toshkent—Volgograd yo‘nalishidagi yo‘lovchi poyezdi esa, kompaniya saytidagi ma’lumotga ko‘ra, haftada 3 marotaba qatnovni amalga oshiradi.