BMT: Afrin o‘qqa tutilishi natijasida tinch aholi vakillari halok bo‘ldi

Suriyaning Afrin shahrida Turkiya tomonidan olib borilayotgan operatsiya chog‘ida tinch aholi vakillari halok bo‘lmoqda, deb yozadi “Gazeta.ru” BMT bosh kotibi vakili Stefan Dyujarrikka tayanib.

“Oxirgi kunlarda o‘qqa tutishlar natijasida tinch aholi vakillari halok bo‘ldi”, — dedi u brifingda.

Uning so‘zlariga ko‘ra, eng kuchli o‘q yomg‘irlari Turkiya bilan chegaradosh shaharlarda yog‘dirilmoqda.

“Gumanitar missiyadagi hamkasblarimiz hisob-kitoblariga ko‘ra, besh ming kishi yaqin oradagi qishloqlardan boshpana topgan. Yana mingga yaqini Aleppoga ketgan”, — deya qo‘shib qo‘ydi u.