Olmaotada iqlim o‘zgarishlari masalalari bo‘yicha Markaziy Osiyo konferensiyasi boshlandi

Qozog‘istonning Olmaota shahrida iqlim o‘zgarishlari masalalari bo‘yicha Markaziy Osiyo konferensiyasi boshlandi. Bu haqda UzDaily xabar bermoqda.

Anjumanga “Barqaror mintaqaviy moslashuvchanlik yo‘lida” mavzu etib tanlandi.

Uni o‘tkazishdan ko‘zda tutilgan asosiy maqsad mintaqaviy muloqotni qo‘llab-quvvatlash, iqlim o‘zgarishiga moslashish borasidagi bilim va ma’lumotlarni tarqatish, barcha manfaatdor tomonlar o‘rtasida hamkorlikdagi harakatlar imkoniyatini aniqlashdan iborat.

Iqlim o‘zgarishlari bo‘yicha konferensiya ikki kun davom etadi va 5 ta plenar sessiyani o‘z ichiga oladi. Unda 200 ga yaqin ekspert ishtirok etmoqda.