Uorren Baffett AQSh Harbiy-dengiz kuchlari yangi jangovar kemasini ishga tushirish marosimida qatnashdi

Milliarder investor Uorren Baffett 3-fevral kuni AQSh Harbiy-dengiz kuchlari yangi jangovar kemasi Omaha’ni rasman ishga tushirish marosimida ishtirok etdi. Bu haqda Associated Press agentligi ma’lum qildi, deb yozadi “TASS”.

Milliarderning Nebraska shtatidagi ona shahri sharafiga nomlangan kema San-Diyego (Kaliforniya shtati) portidagi tantanali tadbir davomida ishga tushirildi. 87 yoshli investorning qizi Syuzan nutq so‘zlagandan so‘ng qiymati 440 million dollarlik kema Amerika HDK tarkibiga qabul qilindi.

Uzunligi 66 metrga yaqin bo‘lgan Omaha’ning maksimal tezligi soatiga 74 kilometr, ekipaj a’zolari soni esa 40 kishiga yetadi.