Kemerovolik erkak bank mijoziga hujum qilgan talonchini quvib yetdi va qo‘lga oldi

Rossiyaning Kemerovo shahrida yashovchi erkak bank mijoziga hujum qilib, qochishga uringan talonchini qo‘lga oldi. Bu haqda “RIA Novosti” xabar berdi.

Talonchi 21 yoshli yigit bo‘lib chiqqan. Yigit bankka kelgan ayolning 1,5 ming rublini olib qochgan. Ayolning yordamga chaqirganini ko‘rgan 44 yoshli bank mijozi talonchining ortidan quvib ketgan. U talonchini bir nechta avtobus bekatidan keyin ushlagan va voqea yuz bergan joyga qaytarib olib kelgan hamda politsiyaga xabar bergan.

Talonchilik qilgan yigit avval ham xuddi shunday harakat uchun sudlangan bo‘lib chiqdi.