Bugun Yevropa Ligasining 1/8 final bosqichiga qur’a tashlash marosimi bo‘lib o‘tadi

Bugun — 23-fevral kuni Yevropa Ligasining 1/8 final bosqichiga yo‘l olgan futbol klublari o‘zining navbatdagi raqibini bilib oladi.

Shveysariyaning Nyon shahrida o‘tadigan qur’a tashlash marosimi 17:00 da start oladi. UEFA bunda Rossiya va Ukraina klublari o‘zaro to‘qnash kelib qolmasligiga e’tiborini qaratadi. Nimchorak finalga Ukrainaning 1 ta, Rossiyaning esa 3 ta klubi yetib keldi. Qolgan barcha mamlakat jamoalari o‘zaro to‘qnash kelaveradi. Hatto, 1 ta mamlakatning ikki klubi ham chorak final yo‘lida raqibga aylanishi mumkin.

Nimchorak finalga eng ko‘p Rossiya klublari yetib keldi — 3 ta. Bu ko‘rsatkich Ispaniya, Germaniya, Italiya va Fransiyada 2 tani tashkil qiladi. Shuningdek, Angliya, Portugaliya, Ukraina, Avstriya va Chexiya klublari bor.