FSB Kalugada qurollangan jinoiy guruhni qo‘lga olish aks etgan videoni taqdim etdi

Rossiya Federal xavfsizlik xizmati (FSB) Kaluga shahrida noqonuniy qurol sotishga aloqador bo‘lgan guruh a’zolarini qo‘lga olish jarayoni aks etgan videoni taqdim etdi, deb yozmoqda “RIA Novosti”.

Xavfsizlik xodimlari to‘rt kishini, shu jumladan guruh tashkilotchlarini qo‘lga olgan. Ulardan 15 ta avtomat, 10 ta to‘pponcha, pulemyot, vintovka, to‘qqizta portlovchi qurilma, 3,5 kilogramm portlovchi modda, 200 dan ortiq patron olingan.

Bundan tashqari, maxsus xizmat xodimlari tomonidan o‘tkazilgan tintuv jarayonida ekstremistik mazmundagi adabiyotlar va varaqalar topilgan. Guruhga nisbatan jinoiy ish qo‘zg‘atilgan.