Isroilda yo‘ltanlamas haydovchisi ikki harbiy va bir politsiyachini urib yubordi

Yo‘ltanlamas haydovchisi Isroilning Akko shahrida ikki harbiy va bir politsiyachini urib yubordi. Bu haqda “Gazeta.ru” xabar bermoqda.

Politsiyaga ko‘ra, erkak avval mahalliy bozor yaqinida politsiyachini urib yuborgan. Shundan so‘ng harakatini davom ettirib, temir yo‘l bekati oldida ikki harbiy ustiga bostirib boradi.

Yaralangan politsiyachi haydovchiga qarata o‘q uzgani va uni o‘ldirgani bildirilmoqda.

Huquq-tartibot idoralari erkak bu ishga qasddan qo‘l urgan deb hisoblamoqda. Jabrdiydalar kasalxonaga yotqizildi.