Chimkentda 10 yoshli qizcha pnevmoniyaning og‘ir turidan vafot etdi

Qozog‘istonning Chimkent viloyatida shifokorlar 10 yoshli Laura Sagatovaga 5 yil davomida aniq tashxis qo‘ya olmadi, deb xabar beradi Kazakhstan Today.

Qizcha davolanish uchun Ostonaga olib kelindi, biroq u pnevmoniyaning og‘ir formasidan vafot etdi.

Qizcha 2016-yilning dekabr oyidan mustaqil ravishda harakatlana olmayotgan edi. U ovqatlanayotgan paytda kuchli og‘riqdan aziyat chekar edi. 2017-yilda qizchaning onasi u muntazam ravishda davom etayotgan og‘riqdan kuchsizlanib qolganini ma’lum qilgan edi.

Qizcha Rossiya tibbiyot fanlari akademiyasining tibbiy-genetik markazida bir necha marta tekshiruvdan o‘tkazilgan. Biroq har tekshiruvdan so‘ng tashxis o‘zgargan.