Foto: Toshkent viloyatida yo‘l-patrul xizmati xodimlari ruldagi ayollarga gul sovg‘a qilmoqda

Bugun, 8-mart kuni Xalqaro xotin-qizlar kuni munosabati bilan Toshkent viloyati IIB YHXB xodimlari erta tongdan o‘zgacha reja asosida ish boshladi. Bu haqda boshqarma matbuot xizmati “Daryo”ga xabar berdi.

YHXB xodimlari bayram munosabati bilan ruldagi ayollarga gul sovg‘a qilmoqda. Yo‘l-patrul xizmati inspektorlari faqat haydovchi ayollarga gul berish bilan cheklanmay, yo‘lovchi va piyoda ayollarga ham gul taqdim etmoqda.

Boshqarma ma’lumotlariga ko‘ra, 2018-yilning o‘tgan davrida Toshkent viloyatida ayol haydovchilar ishtirokida bironta ham yo‘l-transport hodisasi sodir etilmagan.