Yoqutistonda mikroavtobus va samosvalning to‘qnashuvi oqibatida 4 kishi halok bo‘ldi

Yoqutistonda samosval va mikroavtobusning to‘qnashuvi oqibatida to‘rt kishi halok bo‘ldi. Bu haqda “TASS” xabar bermoqda.

“Yakutsk—Mirniy yo‘lida samosval va mikroavtobus to‘qnashuvi yuz berdi. To‘qqiz kishi jabrlandi”, — deydi agentlik suhbatdoshi. U jabrlanganlardan to‘rt nafari halok bo‘lganligiga aniqlik kiritdi.

Yoqutiston FVV matbuot xizmatining ma’lum qilishicha, Yakutskdan Vilyuyskka yo‘l olgan Toyota Hiace mikroavtobusi harakatlanmay turgan “KamAZ” yuk mashinasiga urilgan.