Vladimir Putin: Tramp tez o‘rganmoqda

Vladimir Putin Rossiya va AQSh o‘rtasidagi o‘zaro ayblovlarni “hech qayerga eltmaydigan yo‘l” deb atadi. Bu haqda “Gazeta.ru” xabar berdi.

“Donald Tramp birinchi marotaba prezidentlik muddatida faoliyat olib borayotganiga qaramay, u barcha narsani tez o‘rganmoqda va biz o‘zaro bir-birimizni ayblashimiz — hech qayerga eltmaydigan yo‘l ekanligini juda yaxshi tushunib turibdi”, — deydi Rossiya prezidenti.

Putinning qo‘shimcha qilishicha, Donald Tramp tajribali odam bo‘lib, o‘zi bilan hamkorlik qilayotganlarga hurmat ko‘rsatadi.