Toshkent shahar hokimligida 10 kishiga fuqarolik pasporti topshirildi

Toshkent shahar hokimligida Prezidentning “O‘zbekiston Respublikasi fuqaroligiga qabul qilish to‘g‘risida”gi farmoniga muvofiq 10 kishiga fuqarolik pasporti topshirildi. Bu haqda O‘zA xabar berdi.

O‘zbekiston Konstitutsiyasining 93-moddasi 22-bandi, “O‘zbekiston Respublikasi fuqaroligi to‘g‘risida”gi qonunning 17- va 30-moddalariga muvofiq bir qancha shaxslarning arizalari qanoatlantirildi hamda ular mamlakat fuqaroligiga qabul qilindi.