FIFA JCh-2018 davomida videotakrorlar tizimidan foydalanilishini rasman tasdiqladi

Xalqaro futbol federatsiyasi (FIFA) 2018-yilda Rossiyada bo‘lib o‘tadigan futbol bo‘yicha Jahon chempionatida videotakrorlar tizimidan foydalanadi. Bu haqda “Sports.ru” xabar bermoqda.

Yakuniy qaror 16-mart, juma kuni tashkilotning Bogota (Kolumbiya) shahrida bo‘lib o‘tgan majlisida qabul qilindi.

Hozirda mazkur tizimdan Italiya, Germaniya, Portugaliya va yana bir nechta davlatlarning ichki chempionatlarida foydalanilmoqda.

Rossiyadagi Jahon chempionati esa hakamlar videotakrorlardan foydalanishi mumkin bo‘lgan ilk musobaqa sifatida tarixga kiradigan bo‘ldi.