Sergey Lavrov: Suriyada AQSh, Buyuk Britaniya va Fransiyaning maxsus xizmatlari faoliyat yuritadi

Rossiya tashqi ishlar vaziri Sergey Lavrov Suriyada AQSh, Buyuk Britaniya, Fransiya va boshqa mamlakatlarning maxsus xizmatlari faoliyat yuritishini ma’lum qildi, deb xabar beradi “Kommersant”.

Lavrovning qayd etishicha, Rossiya Suriya hududida xorijiy qurolli kuchlarning noqonuniy faoliyat yuritishini qoralaydi.

“Amerika koalitsiyasi BMT ustavi va xalqaro huquq nuqtayi nazaridan noqonuniydir”, — deydi Lavrov.

Vazir shuningdek, “Jabhat an-Nusra”  terrorchilik guruhi Sharqiy Gutani o‘z nazoratiga olgani va hududdagi boshqa guruhlarni o‘ziga bo‘ysindirganini ma’lum qildi.

Suriyaning bo‘linish ehtimoli haqida Lavrov bu rejalar “o‘zaro muvofiq bo‘lishi kerakligini” aytadi.