O‘zbekiston va Tojikiston to‘rtta avtobus yo‘nalishini ishga tushirishni rejalashtirmoqda

O‘zbekiston va Tojikiston bu yil kamida to‘rtta avtobus yo‘nalishini ishga tushirishni rejalashtirmoqda, deb yozadi “Podrobno”.

Ta’kidlanishicha, bunday imkoniyat Shavkat Mirziyoyevning Tojikistonga tashrifi chog‘ida ikki mamlakat hukumatlari tomonidan imzolangan xalqaro avtomobil qatnovi to‘g‘risidagi bitim sharofati bilan yuzaga kelgan.

“Biz bu yil Termiz va Dushanbe, Toshkent va Xo‘jand, Farg‘ona va Xo‘jand, Samarqand va Panjikent shaharlari o‘rtasida muntazam avtobus qatnovini ishga tushirishni, shuningdek, O‘zbekiston va Tojikistonni bog‘lovchi boshqa qator yo‘nalishlarni ochishni rejalashtirmoqdamiz”, — dedi O‘zbekiston avtomobil transporti agentligi boshlig‘i o‘rinbosari Shoolim Shovahobov.