Quvada pensionerning 21 bosh qo‘yi o‘g‘irlab ketildi

Farg‘ona viloyatining Quva tumanida 13-mart kuni noma’lum shaxslar Dasht qishlog‘i hududidagi adirlikda joylashgan Yangiobod mahallasida yashovchi pensioner A.Turg‘unovning 21 bosh qo‘yini o‘g‘irlab ketdi. Bu haqda IIV jamoatchilik va OAV bilan aloqalar boshqarmasi ma’lum qildi. 

Ko‘rilgan choralar natijasida ushbu jinoyatni Andijon viloyati Marhamat tumani Polvontosh qishlog‘ida yashovchi, muqaddam sudlangan T.Sodiqov, Sho‘rqaqir mahallasida yashovchi, muqaddam sudlangan R.Ahmadaliyev, O‘zbekiston mahallasida yashovchi, muqaddam sudlangan I.Ismonaliyev va Ko‘tarma mahallasida yashovchi M.Jalilov sodir etganliklari aniqlandi.

O‘g‘rilar qo‘lga olindi.