Tramp narkotik sotuvchilarga o‘lim jazosi belgilashni taklif qildi

AQSh prezidenti Donald Tramp 19-mart, dushanba kuni mamlakatni qamrab olgan opioid inqiroziga qarshi kurashish bo‘yicha rejani taqdim etadi. Bu haqda Oq uyning ichki siyosat bo‘yicha direktori Endryu Bremberg jurnalistlarga ma’lum qildi, deb yozadi Reuters.

Hujjatdan boshqa takliflar bilan birga narkotik sotuvchilarga nisbatan o‘lim jazosini joriy etish taklifi ham o‘rin olgan.

“Adliya vazirligi narkotik sotuvchilar uchun o‘lim jazosi joriy etilishiga erishish uchun harakat qiladi”, — dedi u.

Uch yil davomida narkotik dori vositalari uchun retseptlar yozib berishni uchdan birga qisqartirish kurashning yana bir bandi bo‘ladi.