OAV: Tramp AQShdan o‘nlab rossiyalik diplomatlarni chiqarib yuborishga tayyor

AQSh prezidenti Donald Tramp GRU polkovnigi Sergey Skripal va uning qizi Britaniyada zaharlanganiga javoban rossiyalik diplomatlarni mamlakatdan chiqarib yuborishga tayyor. Bu haqda Bloomberg ma’lum qildi, deya xabar beradi “Gazeta.ru”.

“Prezident Tramp AQShdan o‘nlab rossiyalik diplomatlarni chiqarib yuborishga hozirlik ko‘rmoqda”, — dedi nashr manbasi.

Tramp bu yuzasidan 26-mart, dushanba kuni bayonot berishi kutilmoqda.

Eslatib o‘tamiz, oldinroq Yevropaning 20 davlati Rossiya diplomatlarini chiqarib yuborishga tayyorgarlik ko‘rayotgani haqida xabar berilgandi.