Moskva ma’murlari tojikistonlik va o‘zbekistonlik muhojirlarning savollariga javob berdi

Tojikiston va O‘zbekistondan kelgan mehnat muhojirlari birinchi marta Moskva hukumati vakillari bilan uchrashdi, deb yozadi “Nuz.uz”.

Uchrashuv 23-mart kuni Moskva viloyati hukumati joylashgan Krasnogorsk shahrida Rossiya prezidentining “Mening do‘stim muhojir” grantini amalga oshirish doirasida bo‘lib o‘tdi. Ushbu grantning maqsadi — Moskva viloyatida ishlayotgan tojikistonlik va o‘zbekistonlik muhojirlarning madaniy-axloqiy moslashuvini ta’minlash.

Ilk yig‘ilishga 80 ga yaqin tojik va o‘zbek muhojirlar keldi. Ularning savollariga Moskva ma’muriyati vakillari va migratsiya sohasidagi ekspertlar javob berdi.

Bunday uchrashuvlar muntazam o‘tkazilishiga va’da berildi.