Tadqiqotchilar cho‘lda havodan suv olish usulini topdi

Massachusets texnologiya instituti olimlari cho‘lda yashash sharoitini yaxshilashi, shuningdek, favqulodda vaziyatda insonni qutqarishi mumkin bo‘lgan texnologiyani ishlab chiqdi. Qurilma quyosh energiyasi asosida ishlaydi va havo tarkibidagi namlikni suyuq suvga aylantirish imkonini beradi, deb yozadi “Nauka”.

Tadqiqotchilar yangi hisobotida har qanday cho‘ldagi havo bir miqdor namlikka ega bo‘lganligi uchun ularning texnologiyasi dunyo bo‘yicha foydali bo‘lishi mumkinligini ma’lum qiladi. Havodan suv olish usuli insonlarga yerning eng qurg‘oqchil joylarida tirik qolishga yordam berishi mumkin.

Suv olish tizimi eng yangi metalloorganik materiallarga asoslangan. Qurilma nisbiy namligi 10 foizgacha bo‘lgan eng quruq cho‘l havosidan ham ichimlik suvi olishi mumkin. Yangi usul dunyoning eng quruq mintaqalaridagi suvga bo‘lgan ehtiyojni qondirishi mumkin.