“Tolibon” Afg‘oniston bo‘yicha xalqaro konferensiyada ishtirok etmaydi

«Tolibon» harakati Toshkent shahrida 26—27 mart kunlari bo‘lib o‘tadigan Afg‘oniston bo‘yicha xalqaro konferensiyaga qiziqish bildirgani haqida xabar berilgan edi.

“Afg‘oniston bo‘yicha Toshkent xalqaro konferensiyasi atbuot kotibi Sherzod Qudratxo‘jayev ma’lum qilishicha, ‘Tolibon’ vakillari xalqaro konferensiyada ishtirok etmaydi. Ular konferensiyani Afg‘onistondan turib kuzatadi”,— deb xabar beradi “Daryo” muxbiri Sevara Nishonova.

Ma’lumot uchun, Afg‘oniston bo‘yicha Toshkent konferensiyasida 20 dan ortiq davlatlar, nufuzli xalqaro tashkilotlar delegatsiyalari ishtirok etadi. Delegatsiya vakillari birin-ketin Toshkentga yetib kelmoqda.