Buyuk Britaniya Afg‘oniston va O‘zbekiston qurolli kuchlarini qo‘llab-quvvatlashga 750 mln funt sterling ajratadi

Buyuk Britaniya Afg‘oniston va O‘zbekiston qurolli kuchlarini qo‘llab-quvvatlashga 750 million funt sterling yo‘naltiradi. Bu haqda mamlakat bosh vazirining Afg‘oniston va Pokiston bo‘yicha maxsus vakili Garet Beyli ma’lum qildi, deya xabar beradi “Podrobno.uz”.

“Biz Afg‘onistonga ko‘mak berish, shuningdek, O‘zbekiston qurolli kuchlarini qo‘llab-quvvatlashga 750 million funt sterling ajratishga qaror qildik”, — dedi Beyli Toshkentda bo‘lib o‘tgan Afg‘oniston bo‘yicha xalqaro konferensiyadagi chiqishida. 

Beyli Britaniya, garchi tinchlik jarayonini o‘rnatish borasidagi barcha to‘siqlarni bartaraf etish uchun avlodlar almashinuvi talab qilinsa ham, mintaqa taraqqiyoti va uzoq muddatli hamkorlik uchun harakat qilishga tayyorligini bildirdi.