Toshkentda Vladimir ismli yigit islomni qabul qildi va muslima kelin bilan nikohlandi

Toshkent shahridagi “Islom ota” jome’ masjidida o‘qilgan navbatdagi shar’iy nikoh boshqalaridan farqli bo‘ldi. Bu haqda masjid mutasaddilari ma’lum qildi.

Nikohlanmoqchi bo‘lgan Vladimir ismli kuyov barchaning huzurida shahodat kalimasi keltirib, musulmon bo‘ldi va muslima kelin bilan nikohlandi. Nikoh asnosida ismini Sunnat deb o‘zgartirdi. 

Kelin-kuyovga islom shartlari, musulmon kishi va islomiy oila asoslari haqida tushuncha berildi.