Shavkat Mirziyoyev: Odamlar yashashi uchun salgina sharoit qilaylik (video)

O‘zbekiston Prezidenti Shavkat Mirziyoyev 17—18-mart kunlari Samarqand viloyatida tashrif bilan bo‘lgan edi. Tashrif davomida Prezident Oqdaryo tumanida ham bo‘lib, hududda amalga oshiriladigan ishlar bo‘yicha mutasaddilarga ko‘rsatmalar bergan edi.

Jumladan, Prezident ikki daryo oralig‘idagi Oqdaryo tumanida paxta ekish to‘g‘ri emasligini, bu yerda sholi bilan yaxshi ko‘rsatkichga erishish mumkinligini ta’kidlagan. Shuningdek, tumanni ichimlik suvi bilan ta’minlash darajasi atigi 17 foiz ekani, yo‘llar talab darajasida emasligi, maktab va bolalar bog‘chalarining yetishmasligi ham tanqid qilingan.

“Odamlar yashashi uchun salgina sharoit qilaylik”, — deb Prezident hukumat mas’ullariga murojaat qilgan.