“Pulga ko‘mib tashlangan” kemerovoliklar ularni tinch qo‘yishlarini so‘radi

Kemerovoning “Zimnyaya vishnya” savdo markazidagi yong‘inda jabrlanganlarni hukumat va hamdard rossiyaliklar faol qo‘llab-quvvatladi, oxir-oqibat odamlarni, ularning so‘zlariga ko‘ra, “pullar bilan ko‘mib tashlashdi”. Bu haqda Kemerovodagi Jamoatchilik ko‘mak markazi asoschilaridan biri Tatyana Dumenko ma’lum qildi, deb yozadi “MK.ru”.

Nashr eslatishicha, avvalroq Kuzbass sobiq gubernatori Aman Tuleyev yong‘in qurbonlarining oilalariga davlat tomonidan besh million rubl berilishi, yengil jarohatlanganlar — 200 ming rubl, og‘ir jarohatlanganlar esa 400 ming rubldan olishini aytgan edi.

“Biz jabrlanganlardan nimagadir ehtiyoji bor-yo‘qligi haqida so‘raganimizda, ‘Bizni pulga ko‘mib tashlashdi. Shunchaki bizni tinch qo‘ying’, deyishdi”, — dedi Dumenko.