O‘zbekiston Ta’lim, fan va madaniyat masalalari bo‘yicha islom tashkiloti nizomini ratifikatsiya qildi

O‘zbekiston prezidenti Shavkat Mirziyoyev Ta’lim, fan va madaniyat masalalari bo‘yicha islom tashkiloti nizomini ratifikatsiya qilish haqidagi qonunni imzoladi, deb yozadi UzDaily.

Hujjat 2015-yilning 25-noyabrida Bokuda (Ozarbayjon) qabul qilingan edi.

Islom tashkilotining ratifikatsiya qilingan nizomi ta’lim, fan va madaniyat sohalarida xalqaro hamkorlikni rivojlantirish imkoniyatini beradi. Bundan tashqari, bu O‘zbekistonning ijtimoiy-madaniy va boshqa sohalardagi yutuqlarini keng targ‘ib qilish imkonini beradi.

Mazkur nizom kuchga kirishi bilan Toshkent islom universitetida Islom tashkilotining Maxsus kafedrasi ishi tashkil etiladi.