Tramp Meksika bilan chegarani qo‘riqlash uchun qo‘shinlarni jo‘natishga so‘z berdi

AQSh prezidenti Donald Tramp Meksika bilan chegarani qo‘riqlash uchun Amerika qo‘shinlarini yuborishni rejalashtirayotganligini ma’lum qildi. Bu haqda 3-aprel kuni Amerika OAVlari xabar berdi, deb yozadi “Interfaks”.

“Devor va yetarlicha xavfsizlikni ta’minlay olgunimizga qadar chegaramizni harbiylar qo‘riqlaydi. Bu katta qadam, buni avval amalga oshirmaganmiz”, — dedi Tramp.

Avvalroq AQSh Kongressi chegarani qo‘riqlash uchun Tramp tomonidan so‘ralgan 25 milliard dollar o‘rniga atigi 1,6 milliard dollarni ko‘zda tutuvchi qonun loyihasini ma’qulladi.