Video: Toshkentning Olmazor tumanida yirik yong‘in ro‘y berdi

5-aprel kuni soat 18:56 atrofida Toshkent shahar Olmazor tumanidagi Gulsaroy ko‘chasida (Qoraqamish 1/4) joylashgan mix ishlab chiqarish sexida yong‘in chiqdi. Bu haqda “Xabar.uz” ma’lum qildi.

Toshkent shahar YoXBBga ko‘ra, yong‘in haqida xabar kelib tushgach, avvaliga to‘rtta, ortidan esa yana shuncha yong‘inni o‘chirish guruhi yuborilgan. Soat 19:50 larda yong‘in o‘chirilgan.

Hozircha qurbonlar va jabrlanganlar yo‘q. Yong‘in sabablari o‘rganilmoqda.