Jizzaxda kelin qaynog‘asining pulini o‘g‘irlab, saqlab turish uchun qo‘shnisiga berdi

Jizzax viloyati Sharof Rashidov tumani “Yangihayot” mahalla fuqarolar yig‘inida istiqomat qiluvchi 1961-yilda tug‘ilgan fuqaro ichki ishlar organiga murojaat qilib, uydagi pullari o‘g‘irlanganini ma’lum qildi, deya xabar bermoqda Jizzax viloyat IIB matbuot xizmati.

Militsiyaga ariza topshirgan erkak 2017-yilning dekabr oyida u bilan bir xonadonda istiqomat qiluvchi 1990-yilda tug‘ilgan kelini uning sandig‘idan 24,6 million so‘m pulning 1,83 million so‘mini o‘g‘irlaganini ma’lum qilgan.

“Olib borilgan tezkor tergov-surishtiruv ishlari davomida kelin haqiqatan ham pullarni o‘g‘irlab, saqlab turish uchun qo‘shni ayolga berib qo‘ygani aniqlandi”, — deyiladi Jizzax viloyati IIB axborotida.

Xabar berishlaricha, mazkur holat bo‘yicha jinoyat ishi qo‘zg‘atilgan.