Argentinada samolyot qulashi oqibatida 5 kishi halok bo‘ldi

Argentinaning La-Pampa provinsiyasida yengil motorli samolyotning halokatga uchrashi oqibatida besh kishi halok bo‘ldi, deb xabar beradi “Korrespondent.net”.

Hodisa Kuma-Kuma va Pelyegrini shaharlari o‘rtasida parvoz qilayotgan Piper PA-34 Seneca yengil motorli samolyoti bilan yuz bergan.

“Samolyot bortida bo‘lgan besh kishi halok bo‘ldi. Mutaxassislar hodisa joyiga yetib borgan”, — deyiladi xabarda.

Samolyot halokati sabablari hozircha noma’lum.