“Rossiya go‘zali” tanlovida 18 yoshli chuvashiyalik qiz g‘olib bo‘ldi

Moskvada “Rossiya go‘zali” an’anaviy milliy tanlovi finali yakunlandi, unda 18 yoshli Chuvashiya respublikasi vakilasi Yuliya Polyachixina g‘olib bo‘ldi, deb yozadi “Kommersant”.

G‘olib 3 million rubl (taxminan 48 ming dollar) mukofot puli, avtomobil hamda “Dunyo go‘zali” va “Koinot go‘zali” tanlovlarida Rossiya nomidan qatnashish imkoniyatini qo‘lga kiritdi. Shuningdek, Yuliya Polyachixinaga oq tilladan ishlanib, qimmatbaho toshlar bilan bezatilgan toj kiydirishdi.

Birinchi vitse-miss unvonini belgorodlik Violetta Tyurkina qo‘lga kiritdi, ikkinchi vitse-miss Saxa respublikasidan Natalya Stroyeva bo‘ldi.