Davlat ehtiyojlari uchun xarid qilinadigan paxta va g‘alla yetishtirish xarajatlarini kreditlash tartibi o‘z kuchini yo‘qotdi

Davlat ehtiyojlari uchun xarid qilinadigan paxta va g‘alla yetishtirish xarajatlarini kreditlash tartibi o‘z kuchini yo‘qotdi. Bu haqda “Inson va qonun” gazetasida ma’lum qilindi.

Ta’kidlanishicha, “Qishloq xo‘jaligi korxonalarining davlat ehtiyojlari uchun xarid qilinadigan paxta va g‘alla yetishtirish xarajatlarini tijorat banklari tomonidan kreditlash tartibi to‘g‘risidagi nizomni tasdiqlash haqida”gi qaror, shuningdek, unga o‘zgartirish va qo‘shimchalar 2018-yil 13-apreldan o‘z kuchini yo‘qotgan deb topildi.

Mazkur qarorlar Vazirlar Mahkamasining 2018-yil 28-fevraldagi 149-son “Qishloq xo‘jaligida bozor mexanizmlarini keng joriy etish chora-tadbirlari to‘g‘risida”gi qaroriga muvofiq o‘z kuchini yo‘qotdi.