O‘zbekiston Kubogi. “Metallurg”, “Navbahor” va “Buxoro”? 1/8 finalga chiqa olmadi. Nimchorak final qur’asi ertaga Sport-TV orqali jonli efirda namoyish etiladi
15—16-aprel kunlari O‘zbekiston Kubogi 1/16 finali doirasida 12 ta uchrashuv bo‘lib o‘tdi. Superliganing 3 ta vakili – “Metallurg”, “Navbahor” va “Buxoro” klublari Kubokni ilk bosqichdayoq tark etdi.
“Andijon” va “Navbahor” o‘rtasida kechgan vodiy derbisida mezbonlar kichik hisobda g‘alaba qozonib, “Navbahor”ni tomoshabinlar qatoriga kuzatib qo‘ydi.
Superliganing ikki vakili – “So‘g‘diyona” va “Metallurg” jamoalarining bahsida ham mezbonlar 1:0 hisobida g‘alaba qozonib, keyingi bosqichga chiqdi.
“Neftchi” safarda “Sho‘rtan”ni mag‘lub etib, “Qizilqum” esa o‘z uyida “Buxoro”ni mag‘lub etib, 1/8 finalga yo‘l oldi.
O‘zbekiston Kubogi
1/16 final bellashuvlari
15 aprel, yakshanba
16-aprel, dushanba
Nimchorak finalga yo‘llanma olgan 12 ta jamoaga yana to‘rtta jamoa qo‘shiladi. Bular — “Lokomotiv”, “Nasaf”, “Paxtakor” va “Bunyodkor”.
1/8 finalda Superliganing 9 ta va Pro-liganing 7 ta klubi qatnashadi.
Yangi formatga ko‘ra, 1/8 final bosqichiga ham qur’a tashlanadi. Qur’a tashlash marosimi 18-aprel,chorshanba kuni soat 20:00 da Sport-TV telekanali orqali jonli efirda namoyish qilinadi.
?Ma’lumot uchun yangi formatga ko‘ra, O‘zbekiston Kubogining yarim finaligacha bo‘lgan barcha bosqichida jamoalar bitta o‘yin o‘tkazadi.
Manba: Daryo.uz