O‘zbekiston qurolli kuchlari bosh shtabi boshlig‘i Qozonda hamkasblari bilan Rossiya mudofaa sanoati namunalari bilan tanishdi

MDH davlatlari qurolli kuchlari bosh shtablari boshliqlari Tatariston poytaxti Qozonda Rossiya mudofaa sanoatining istiqbolli namunalari bilan tanishdi. Bu haqda “TASS” xabar bermoqda.

“E’tiboringizga harbiy texnika va qurol-aslahalarning zamonaviy namunalari taqdim etildi. Rossiya harbiy-sanoat kompleksi erishgan natijalari va istiqbolli ishlanmalari bilan tanishuv sizlar uchun qiziqarli va foydali bo‘ldi, degan umiddaman”, — dedi Rossiya qurolli kuchlari bosh shtabi boshlig‘i Valeriy Gerasimov.

MDH davlatlari qurolli kuchlari bosh shtablari boshliqlari qo‘mitasi yig‘ilishida ishtirok etish uchun 8 davlat — O‘zbekiston, Ozarbayjon, Armaniston, Belarus, Qozog‘iston, Qirg‘iziston va Tojikiston vakillari Qozonga keldi.